மஸ்கெலியா பெயார்லோன் மற்றும் பெனியன் தோட்டங்களில் சட்டவிரோத மதுபான உற்பத்தி: மூவர் கைது

மஸ்கெலியா பெயார்லோன் மற்றும் பெனியன் ஆகிய தோட்டங்களில் சட்டவிரோத மதுபான உற்பத்தியில் ஈடுப்பட்ட மூவர் கைது செய்யப்பட்டுள்ளனர்.

அவர்கள் நேற்று (03) இரவு கைது செய்யப்பட்டதாக மஸ்கெலியா பொலிஸார் தெரிவித்தனர்.

இதன்போது சட்டவிரோத மது உற்பத்திக்கு பயன்படுத்தப்பட்ட உபகரணங்கள் சிலவற்றையும் பொலிஸார் கைப்பற்றியுள்ளனர்.

இதன் போது ஒரு சந்தேக நபர் தப்பியோடியுள்ளதாகவும் அவரை தேடி விசாரணைகள் இடம்பெறுவதாகவும் பொலிஸார் தெரிவித்தனர்.

கைதானவர்கள் பொலிஸ் பிணையில் விடுவிக்கப்பட்டுள்ள நிலையில் ஹட்டன் நீதிமன்றத்தில் அவர்களுக்கு எதிராக வழக்கு தாக்கல் செய்யப்படும் எனவும் பொலிஸார் தெரிவித்துள்ளனர்.