அடுத்த ஆண்டு ஜனாதிபதி தேர்தல்: ரணிலுக்கே மேலும் 5 ஆண்டுகள் நாட்டை வழங்க வேண்டும் – ருவான்

அடுத்த வருடம் ஜனாதிபதித் தேர்தல் நடைபெறவுள்ளதுடன், தற்போதைய ஜனாதிபதி ரணில் விக்ரமசிங்கவை மீண்டும் ஒரு தடவைக்கு தெரிவு செய்வது நாட்டுக்கு முக்கியமானது என ஐக்கிய தேசியக் கட்சியின் பிரதித் தலைவர் ருவான் விஜேவர்தன தெரிவித்துள்ளார்.தேசம் பொருளாதார ரீதியில் ஸ்திரப்படுத்தப்பட வேண்டுமாயின் தற்போதைய ஜனாதிபதி ஐந்தாண்டுகளுக்கு நாட்டை ஆட்சி செய்ய வேண்டும் என கம்பஹாவில் நடைபெற்ற ஐக்கிய தேசியக் கட்சியின் பலமண்டல கூட்டத்தில் விஜேவர்தன தெரிவித்தார்.“ஜனாதிபதி விக்கிரமசிங்க பொருளாதார நெருக்கடியை மூன்று ஆண்டுகளுக்கு முன்பே கணித்தார். கோவிட் தொற்றுநோய் வெடிப்பதற்கு முன்பே அவர் பொருளாதார வீழ்ச்சியைக் கணித்தார். அவரால் நாட்டை நியாயமான அளவில் ஸ்திரப்படுத்த முடிந்தது. கிரீஸ் ஒருவித ஸ்திரத்தன்மையைப் பெற பத்து ஆண்டுகள் ஆனது. எவ்வாறாயினும், இலங்கை குறுகிய காலத்தில் ஸ்திரத்தன்மையை நோக்கி நகர்ந்துள்ளது. எனவே விக்கிரமசிங்க இன்னும் ஐந்து வருடங்களுக்கு நாட்டை ஆள வேண்டும்” என்று அவர் கூறினார்.“அனைத்து கட்சிகளும் அரசியல் வேறுபாடுகளை மறந்து தேசத்தின் சார்பாக தேசிய கொள்கைகளை உருவாக்க ஒன்றுபட வேண்டும்.” சில எதிர்க்கட்சி மாவட்ட அமைப்பாளர்கள் ஐக்கிய தேசியக் கட்சியில் இணைந்து கொள்வதைக் கண்டு நாங்கள் மகிழ்ச்சியடைகிறோம்” என்று அவர் மேலும் கூறினார்.