பாகிஸ்தானின் ஆட்டத்துக்கு முற்றுப்புள்ளி வைத்து இறுதிபோட்டிக்கு அவுஸ்திரேலியா தெரிவு

T20 உலக கிண்ண தொடரில் நேற்று இரவு நடைபெற்ற இரண்டாவது அரையிறுதியில் அவுஸ்திரேலியா அணி பாகிஸ்தான் அணியை 5 விக்கெட்டுக்களால் வெற்றிக் கொண்டது.

இதனால் இறுதிப் போட்டியில் நியூசிலாந்து அணியுடன் மோத அவுஸ்திரேலிய தகுதிப் பெற்றுக் கொண்டது.

இந்த போட்டியில் நாணய சுழற்சியில் வெற்றிப் பெற்ற அவுஸ்திரேலியா முதலில் துடுப்பெடுத்தாடும் வாய்ப்பை பாகிஸ்தானுக்கு வழங்கியது.

அதன்படி முதலில் துடுப்பெடுத்தாடிய பாகிஸ்தான் 4 விக்கெட் இழப்புக்கு 176 ஓட்டங்களை பெற்றது.

177 என்ற இலக்கை நோக்கி பதிலளித்தாடிய அவுஸ்திரேலியா மெத்திவ் வேட் அதிரடியாக பெற்ற 41 ஓட்டங்கள் உதவியுடன் 19 ஆவது ஓவரில் இலக்கை அடைந்தது.

இதனால் இறுதிப் போட்டிக்கு ஏற்கனவே தெரிவாகியுள்ள நியூசிலாந்து அணியை அவுஸ்திரேலியா அணி எதிர்கொள்ளவுள்ளது.

எதிர்வரும் 14 ஆம் திகதி டுபாயில் T20 உலக கிண்ண இறுதிப்போட்டி நடைபெறவுள்ளது.