சமையல் எரிவாயுவின் விலையை குறைக்க தீர்மானம்..!

சமையல் எரிவாயு விலையை குறைப்பதற்கு லிட்ரோ நிறுவனம் தீர்மானித்துள்ளது

ஜூலை முதல் வாரத்தில் சமையல் எரிவாயு விலை குறைக்கப்படவுள்ளதாக  லிட்ரோ நிறுவன தலைவர் முதித பீரிஸ் தெரிவித்துள்ளார்

  சமையல் எரிவாயு விலையில் தொடர்ச்சியாக 4 ஆவது தடவையாகவும்  திருத்தம் மேற்கொள்ளப்படுகின்றமை குறிப்பிடத்தக்கது

முன்னதாக கடந்த . 4 ஆம் திகதி நள்ளிரவு முதல் அமுலாகும்  வகையில் சமையல் எரிவாயு விலைகள் குறைக்கப்பட்டன.

12.5 கிலோகிராம் நிறையுடைய சமையல் எரிவாயு சிலிண்டரொன்றின் விலை 452 ரூபாவால் குறைக்கப்பட்டு தற்போது மூவாயிரத்து 186 ரூபாவிற்கு விற்பனை செய்யப்படுகின்றது

5 கிலோகிராம் சமையல் எரிவாயு சிலிண்டரின் விலை 181 ரூபாவினால் குறைக்கப்பட்டு ஆயிரத்து 281 ரூபாவுக்கு விற்பனை செய்யப்படுகின்றது.

மேலும் 2.3 கிலோகிராம் நிறையுடைய சமையல் எரிவாயு சிலிண்டரின்  விலை 83 ரூபாவினால் குறைக்கப்பட்டு 598 ரூபாவுக்கு விற்பனை செய்யப்படுகின்றமை குறிப்பிடத்தக்கது