யுவதி படுகொலை – பல்கலை மாணவன் கைது!

கொழும்பு குதிரை பந்தய திடலில் பல்கலைக்கழக மாணவி ஒருவரை கூரிய ஆயுதத்தால் குத்தி கொலை செய்ததாக சந்தேகிக்கப்படும் பல்கலைக்கழக மாணவன் நேற்று (17) மாலை வெல்லம்பிட்டிய பகுதியில் வைத்து பொலிஸாரால் கைது செய்யப்பட்டுள்ளார்.கொலையின் பின்னர் சந்தேகிக்கப்படும் மாணவனும் தற்கொலைக்கு முயன்றுள்ளதாக உறுதிப்படுத்தப்படாத தகவல்கள் வெளியாகியுள்ளதாக பொலிஸார் குறிப்பிட்டுள்ளனர்

“இந்தச் சந்தேக நபர் கொழும்பு தெற்குப் பிரிவு குற்றப் புலனாய்வு நிலைய பொறுப்பதிகாரி உள்ளிட்ட அதிகாரிகள் குழுவினால் கைது செய்யப்பட்டுள்ளார். அவர் கொழும்பு பல்கலைக்கழகத்தில் கல்வி கற்கும் மாணவராவார். அவருக்கு சுமார் 24 வயது இருக்கும்.”

“சந்தேக நபரும் விஞ்ஞான பீடத்தில் கல்வி பயின்று வருகிறார். கொலைக்கான காரணம் என்னவென்று இதுவரை தெரியவில்லை. ஆனால் இந்த கொலையின் பின்னர் சந்தேக நபரும் தற்கொலை முயற்சியில் ஈடுபட்டுள்ளதாக தகவல் கிடைத்துள்ளது. ஆனால் அதை உறுதியாக கூற முடியாது”

“எனவே, மேலதிக விசாரணைகள் மேற்கொள்ளப்பட்டு வருகின்றன.”