பண்டாரவளை ஹல்பே பகுதியில் பஸ் விபத்து, 12 பேர் வைத்தியசாலையில்

பண்டாரவளை ஹல்பே பகுதியில் இன்று (06) காலை 9 மணி அளவில் இடம்பெற்ற பேருந்து விபத்தில் 12 பேர் காயமடைந்துள்ளதாக எமது செய்தியாளர் கூறினார்.

பதுளையில் இருந்து கொழும்பு நோக்கி பயணித்த தனியார் பேருந்து ஒன்றே இவ்வாறு வீதியை விட்டு விலகி விபத்துக்குள்ளாகியுள்ளது.

காயமடைந்தவர்கள் தெமோதர மற்றும் பதுளை பொது வைத்தியசாலைகளில் சிகிச்சைக்காக அனுமதிக்கப்பட்டுள்ளனர்.

விபத்து தொடர்பான மேலதிக விசாரணைகளை எல்ல பொலிஸார் மேற்கொண்டு வருகின்றனர்.