19 வயதுக்குட்பட்டோர் உலக கிண்ணம்: இங்கிலாந்து இறுதிப்போட்டிக்கு முன்னேறியது

ஆப்கானிஸ்தான் 19 வயதுக்குட்பட்டேர் உலக கிண்ண போட்டிகள் வெஸ்ட் இண்டீசில் நடைபெற்று வருகின்றன.

இந்த நிலையில், முதல் அரையிறுதிப் போட்டியில் ஆப்கானிஸ்தான் அணியும், இங்கிலாந்து அணியும் நேற்று மோதின.

இதில் நாணய சுழற்சியில் வென்ற இங்கிலாந்து அணி முதலில் துடுப்பெடுத்தாடியது.

இந்த போட்டி மழை காரணமாக தடைப்பட்டதால் அணிக்கு 47 ஓவராக குறைக்கப்பட்டு வழங்கப்பட்டது.

அதன்படி, இங்கிலாந்து அணி 47 ஓவரில் 6 விக்கெட்டுக்கு 231 ஓட்டங்களை பெற்றது.

போட்டியில் மீண்டும் மழை குறுக்கிடவே ஆப்கானித்தான் அணிக்கு 231 என்ற வெற்றி இலக்கு நிர்ணயிக்கப்ட்டது.

இதற்கு பதிலளித்த ஆப்கானிஸ்தான் அணி 47 ஓவரில் 9 விக்கெட்டுக்கு 215 ஓட்டங்களை மட்டுமே எடுத்தது.

இதன்மூலம் இங்கிலாந்து 15 ஓட்டங்கள் வித்தியாசத்தில் டக்வொர்த் லுயிஸ் விதிமுறைப்படி அபார வெற்றி பெற்று இறுதிப்போட்டிக்கு முன்னேறியது.