இந்திய – தென்னாபிரிக்கா முதல் டெஸ்ட் போட்டி இன்று

இந்திய அணியின் தென்னாப்பிரிக்கா சுற்றுப்பயணம் இன்று (26) ஆரம்பமாகவுள்ளது.

26 மாதங்களுக்குப் பின்னர் இரு நாடுகளுக்கும் இடையிலான டெஸ்ட் தொடர் நடைபெறவுள்ளது.

இந்தியா மற்றும் தென்னாப்பிரிக்கா இடையே இன்று ஆரம்பமாகும் டெஸ்ட் தொடரில் மூன்று போட்டிகள் அடங்கும்.

இதன் முதல் போட்டி இன்று செஞ்சூரியனிலும், இரண்டாவது போட்டி ஜோகன்னஸ்பேர்க்கில் ஜனவரி 3 ஆம் திகதி நடைபெறவுள்ளது.

இறுதி டெஸ்ட் போட்டி கேப்டவுனில் ஜனவரி 11 ஆம் திகதி நடைபெறவுள்ளது.

ரு அணிகளுக்கும் இடையே இதுவரை நடந்த 39 டெஸ்ட் போட்டிகளில் தென்னாப்பிரிக்கா 15 இல் வெற்றி பெற்றுள்ளது.

இந்தியா 14 போட்டிகளில் மட்டுமே வெற்றி பெற்றுள்ளது.

இந்தியாவும் தென்னாப்பிரிக்காவும் கடைசியாக 2019 இல் டெஸ்ட் போட்டியில் மோதின, இதில் இந்தியா ஒரு இன்னிங்ஸ் மற்றும் 202 ஓட்டங்கள் வித்தியாசத்தில் வெற்றி பெற்றது.