தென்னாபிரிக்கா செல்ல தயங்கும் அணிகள்

தென்னாபிரிக்காவில் புதிய வகை வைரஸ் அடையாளம் காணப்பட்டுள்ள நிலையில் நெதர்லாந்து – தென்னாபிரிக்கா அணிகளுக்கு இடையிலான கிரிக்கெட் தொடர் ஒத்திவைக்கப்படவுள்ளது.

எனினும் இது குறித்த இறுதி முடிவு இதுவரை எடுக்கப்படாத நிலையில் எதிர்வரும் 48 மணித்தியாலங்களுக்குள் எடுக்கப்படவுள்ளது.

எனினும் நெதர்லாந்து கிரிக்கெட் அணி எஞ்சிய இரு போட்டிகளை இரத்து செய்து தமது நாட்டுக்கு திரும்பலாம் எனவும் தெரிவிக்கப்படுகின்றது.

இதேவேளை அடுத்த மாதம் தென்னாபிரிக்காவுக்கான கிரிக்கெட் விஜயத்தில் இந்திய அணி ஈடுப்படவுள்ளது.

இந்த நிலையில் எதிர்கால நிலைமையை ஆராய்ந்து தொடர் குறித்து முடிவு எடுக்கப்படும் என இந்திய கிரிக்கெட் சபை தெரிவித்துள்ளது.