மேலும் 39 கொவிட் மரணங்கள்

இலங்கையில் கொரோனா தொற்றுக்கு உள்ளாகி மேலும் 39 பேர் நேற்று (02) உயிரிழந்துள்ளதாக சுகாதார சேவைகள் பணிப்பாளர் நாயகம்  உறுதிப்படுத்தினார்.

அதன்படி, நாட்டில் கொரோனா தொற்றுக்கு உள்ளாகி உயிரிழந்தோரின் எண்ணிக்கை 1,566 ஆக அதிகரித்துள்ளது.

பொரளை, பதுளை, யாழ்ப்பாணம், மாஹல்கொல்லேவ, மொறட்டுவ, முவன்தெனிய, மாத்தளை, திருகோணமலை, கம்பளை, கொத்மலை, வவனியா, களனி வத்தேகம, படல்கும்புர, எல்பிட்டிய, தொம்பே, காத்தான்குடி 2, வெல்லம்பிட்டிய, வத்தளை, ஹோரண, பண்;டாரகம, மஸ்கெலியா, ஹட்டன், வட்டவளை, நாவலப்பிட்டி, அப்புகஸ்தலாவ, குருணாகல், கம்பஹா, கெலி ஓயா, பொகவந்தலாவ மற்றும் மதாச்சி பகுதிகளை சேர்ந்தவர்களே உயிரிழந்துள்ளனர்.

நேற்று (02) 3,306 தொற்றாளர்கள் பதிவான நிலையில் மொத்த தொற்றாளர்களின் எண்ணிக்கை 192,547 ஆக உயர்வடைந்துள்ளது.

இதுவரை 160,714 பேர் குணமடைந்துள்ள நிலையில் 30,267 பேர் தொடர்ந்தும் சிகிச்சை பெற்று வருகின்றனர்.