இராயப்பு ஜோசப் ஆண்டகையின் திருவுடல் இன்று நல்லடக்கம்

மன்னார் மறைமாவட்ட ஓய்வு நிலை ஆயர் கலாநிதி இராயப்பு ஜோசப் ஆண்டகையின் திருவுடல் இன்று (05) நல்லடக்கம் செய்யப்படவுள்ளது.

தற்போது ஆயரின் திருவுடல் மன்னார் ஆயர் இல்லத்தின் சிற்றாலயத்தில் வைக்கப்பட்டுள்ளது.

நேற்று (04) மாலை 3 மணியளவில் மன்னார் புனித செபஸ்தியார் போராலயத்திற்கு திருவுடல் அஞ்சலிக்காக கொண்டு வரப்பட்டது.

பேராலயத்தில் மக்களின் அஞ்சலிக்காக ஆயரின் திருவுடல் இன்று பிற்பகல் 2 மணி வரை அஞ்சலிக்கு வைக்கப்படவுள்ளது.

இன்று (05) மாலை 3 மணியளவில் இலங்கையில் உள்ள அனைத்து மறைமாவட்ட ஆயர்களின் இரங்கல் கூட்டு திருப்பலியுடன், ஆயரின் திருவுடல் ஆலயத்தில் நல்லடக்கம் செய்யப்படவுள்ளது.