மீண்டும் மின் கட்டண திருத்தும் தொடர்பிலான முன்மொழிவை இலங்கை பொதுப் பயன்பாடுகள் ஆணைக்குழு நிராகரிப்பு

 மீண்டும் மின்சார கட்டணத்தை திருத்துமாறு இலங்கை மின்சார சபை விடுத்த கோரிக்கையை இலங்கை பொதுப் பயன்பாடுகள் ஆணைக்குழு நிராகரித்துள்ளது.

PUCSL இன் படி, இலங்கை மின்சார சபையின் கோரிக்கை நியாயமற்றது என்பதால் அனுமதி வழங்கப்படவில்லை.இந்த ஆண்டின் தொடக்கத்தில், ஜனவரி மற்றும் ஜூலை மாதங்களில் ஆறு மாதங்களுக்கு ஒருமுறை மின்சாரக் கட்டணத்தை திருத்த அரசாங்கம் தீர்மானித்திருந்தது என பொதுப் பயன்பாடுகள் ஆணைக்குழுவின் தலைவர் பேராசிரியர் மஞ்சுளா பெர்னாண்டோ தெரிவித்தார்.எனவே இவ்வருடம் மீண்டும் மின் கட்டண திருத்தம் இடம்பெறாது என மஞ்சுள பெர்னாண்டோ தெரிவித்துள்ளார்.

இதற்கிடையில், இன்று முன்னதாக, மின்சக்தி மற்றும் எரிசக்தி அமைச்சர் காஞ்சன விஜேசேகர இந்த ஆண்டு மீண்டும் மின் கட்டண திருத்தம் குறித்த ஊடக ஊகங்களை நிராகரித்தார்.அடுத்த சீரமைப்பு ஜனவரியில் மட்டுமே நடைபெறும் எனவும் குறிப்பிட்டுள்ளார்.