உள்ளுராட்சிசபைத் தேர்தல் மூலம் அரசாங்கங்களை கவிழ்த்து ஜனாதிபதியை மாற்ற முடியாது!

உள்ளுராட்சிசபைத் தேர்தல் மூலம் அரசாங்கங்களை கவிழ்த்து ஜனாதிபதியை மாற்ற முடியாது… நாட்டைக் கொளுத்திய மக்களைக் கொன்ற கட்சிகளுக்கு அதிகாரம் கொடுப்பது ஆபத்தானது

ஜனாதிபதி கோட்டாபய ராஜபக்ஷவுக்கு தவறான ஆலோசனைகளை வழங்கிய வியத்மக உறுப்பின்ர்கள் இன்று ஏனைய கட்சிகளில் இருந்து தேர்தலுக்கு வருகின்றனர்… முன்னெடுக்கும் வேலைத்திட்டத்திற்கு நாம் அதிகபட்ச ஆதரவை வழங்குகிறோம்

அமைச்சர் பிரசன்ன ரணதுங்கஉள்ளுராட்சிசபைத் தேர்தலானது அரசாங்கத்தை மாற்றி ஜனாதிபதியை மாற்றக்கூடிய தேர்தல்அல்ல என ஆளும் கட்சியின் பிரதான அமைப்பாளரான அமைச்சர் பிரசன்ன ரணதுங்க தெரிவித்துள்ளார்.

ஒரு நாட்டையே தீயிட்டு கொளுத்தி மக்களைக் கொல்லும் அளவுக்கு கடுமையான மனநிலை கொண்ட ஜனதா விமுக்தி பெரமுனவுக்கு அதிகாரம் வழங்குவது மிகவும் ஆபத்தானது என அமைச்சர் மேலும் கூறுகிறார்.கம்பஹாவில் நேற்று (12) நடைபெற்ற கம்பஹா மாவட்ட ஆட்சி வேட்பாளர் கூட்டங்களில் கலந்துகொண்டு கருத்து தெரிவிக்கும் போதே அமைச்சர் பிரசன்ன ரணதுங்க இதனைக் குறிப்பிட்டுள்ளார்.அமைச்சர் பிரசன்ன ரணதுங்க மேலும் பின்வருமாறு கூறினார்

கொரோனா தொற்றுநோயால் நாடு மூடப்படும்போது, நாட்டை மூட வேண்டாம் என்று நாங்கள் கூறினோம். நாங்கள் நாட்டை மூடிவிட்டு மூன்று தடுப்பூசிகளையும் போட்டுவிட்டு மீண்டும் நாட்டை திறக்க முற்பட்டபோது நாடு இன்னும் பாதுகாப்பாகவில்லை, நாட்டைத் திறக்க வேண்டாம் என்று தொழிற்சங்கத்தினர் ஆர்ப்பாட்டம் பண்ணினர். நாடு திறந்தால் கடைகளை அடைக்கத் தொடங்கினர். 88-89ல் சிறு காகிதத்துண்டால் கடைகள் மூடப்பட்டது போல் தொழிற்சங்கங்கள் மூலம் கடைகள் மூடப்பட்டன. ஏனெனில் பொருளாதாரத்தை வீழ்த்துவதே அதற்காண காரணமாக இருந்தது. நாம் தெளிவாக சொல்கிறோம். வங்கிகளுக்கு அனுப்பினால் ராஜபக்சக்கள் திருடுவார்கள் என்று வெளிநாடு வாழ் மக்களிடம் அரசுக்கு பணம் அனுப்ப வேண்டாம் என்று கூறப்பட்டது. வெளிநாட்டில் இருந்து அனுப்பியவருக்கு யாருக்கு பணம் அனுப்பப்பட்டது என்பது தெரியும். இது தவிர அவர்களது உறவினர்களின் பெயரில் அனுப்பப்படுகிறதே அன்றி ராஜபக்சவின் பெயரில் அல்ல. எனவே அதனை எப்படி திருட முடியும்? அதை நம்பியவர்களும் உண்டு. நாட்டின் பொருளாதாரத்தை வீழ்ச்சியடையச் செய்வதற்காகவே இது மேற்கொள்ளப்பட்டது. கொவிட் காரணமாக சுற்றுலாப் பயணிகள் இலங்கைக்கு வரமுடியவில்லை. அன்னிய கையிருப்பை கட்டியெழுப்ப முடியவில்லை. பணம் செலவழிக்கப்பட்டது. இதன் விளைவாக இன்று நாம் இதை அனுபவிக்கிறோம்.இயற்கை சீற்றம், போர் போன்ற பல்வேறு காரணங்களால் நாட்டின் பொருளாதாரம் வீழ்ச்சியடைந்தது. மிக மோசமான காலம் கொவிட்; வந்த காலமே. எனவே, எங்களிடம் கைஇருப்புக்கள் தீர்ந்தபோது, எரிவாயு மற்றும் எண்ணெய் கொண்டு வர டொலர்கள் இல்லை

அப்போது போது மக்கள் அழுத்தத்திற்கு ஆளாகினர். சில அரசியல் கட்சிகளின் தலைவர்கள் அழுத்தம் கொடுத்து வெளியே வந்த மக்களின் வீடுகளை எரித்து மக்களை கொல்வதற்கு வேலை செய்தனர். நாங்கள் யாரையும் பழிவாங்குவதில்லை. நாங்கள் எப்போதும் வன்முறையற்ற அரசியலையே கடைப்பிடித்து வருகிறோம். இந்த தேர்தலை ஒரு கட்சியாக சந்திக்க தயாராக உள்ளோம். உள்ளூராட்சி தேர்தலில் வெற்றி பெற்று கிராமத்தை அபிவிருத்தி செய்யும் பொறுப்பை ஏற்போம்.94ல் வெற்றி பெற்றபோது மக்களை துன்புறுத்தவில்லை. ஆனால், கடந்த மே 9ஆம் தேதி எங்கள் வீடுகள் தீ வைத்து கொளுத்தப்பட்டதற்கு என்ன காரணம்? எனது வீட்டிற்கு தீ வைக்கப்பட்ட வீடியோக்கள் அனைத்தும் என்னிடம் உள்ளன. எனது வீட்டிற்கு தீ வைத்தது வேறு யாருமல்ல ஜே.வி.பி.இனரே. மினுவாங்கொடையில் நடைபெற்ற ஜே.வி.பி கூட்டத்தின் முதல் பேச்சாளர் வீடு எரிப்புக்கு தலைமை தாங்கியவர். அவரைப் பற்றி எல்லாம் தெரிந்து கொண்டேன். ஜனதா விமுக்தி பெரமுன மணி சின்னம் மற்றும் திசைகாட்டி சின்னத்துடன் வந்த தான் வீடுகளுக்கு தீ வைக்கப்பட்டது. எனது வீடு மட்டுமல்ல எனது செயலாளரின் வீடும் எரிக்கப்பட்டது. ஜே.வி.பிக்கு போலித்தனமும் பொறாமையும் மட்டுமே உள்ளது. இராணுவ சீருடையில் கொள்ளையடித்து துரத்தப்பட்ட ஒருவர் இன்று மினுவாங்கொடை மாநகரசபைக்கு திசைகாட்டி சின்னத்தில் வாக்கு கேட்கின்றார். திசைகாட்டியில் வாக்கு கேட்பவர்களை பற்றி இன்று முகநூலில் பேசப் படுகின்றது.ஜனதா விமுக்தி பெரமுன விமர்சனங்களைத் தவிர வேறு எதையும் செய்யாத கட்சி. தீ வைக்கும் உயிர்களை கொல்லும் மனநிலை கொண்ட ஒரு கூட்டத்திற்கு அதிகாரம் கொடுப்பது ஆபத்தான விஷயம். அதிகாரத்தைப் பெற எத்தனை ஆயிரம் பேர் கொல்லப்பட்டனர்? ஆட்சிக்கு வந்து ஆட்சியை தக்கவைக்க எத்தனை ஆயிரம் மக்கள் தொலைந்து போவார்கள்? இந்த தேர்தல் அரசாங்கங்களை கவிழ்க்கக்கூடிய அல்லது ஜனாதிபதியை மாற்றக்கூடிய தேர்தல் அல்ல

அரசாங்கத்தை கவிழ்க்க முடியாது. பாராளுமன்றத்தை கைப்பற்றி ஜனநாயகத்தை கவிழ்த்து அரசாங்கம் அழிந்தால் இன்று நாம் எங்கே இருப்போம் என்று கற்பனை செய்து பாருங்கள். அமைதியான போராட்டத்தை ஏற்கிறோம். மன அழுத்தம் உள்ள மக்கள் போராடுவது எங்களுக்கு தெரியும். ஆனால் நீர்த் தடாகத்தில் விழுந்து குளிக்கும் மனப்பான்மை கொண்டவர்கள் இந்த நாட்டைக் கைப்பற்றினால் என்ன நடக்கும் என்று கற்பனை செய்து பாருங்கள்.நாடு அராஜகமாக மாறிய போது, இந்த நாட்டைக் கைப்பற்ற வருமாறு அநுரகுமாரை அழைத்தோம். சஜித் பிரேமதாசவை வந்து இந்த நாட்டை கைப்பற்றுங்கள் என்றோம். கட்சி என்ற ரீதியில் அன்றி பதவிகளை ஏற்கவில்லை. இந்தப் பொருளாதாரப் பேரழிவில் இருந்து மீண்டு வர உதவுமாறு கேட்டோம். இதை ஏற்க அனைவரும் பயந்தனர். இதனை ரணில் விக்கிரமசிங்க ஏற்றுக்கொண்டார். நாடு கையகப்படுத்தப்பட்டு பொருளாதாரத்தை நிர்வகித்து, இருந்த நிலையில் இருந்து நாட்டை ஒரு குறிப்பிட்ட இடத்திற்கு கொண்டு வந்துள்ளனர். சர்வதேச நாணய நிதியத்தின் தீர்மானம் நடைமுறைப்படுத்தப்படும் போது, இந்த நாட்டை சிறந்த நிலைக்கு கொண்டு வர முடியும். இன்று இந்தியாவும் சீனாவும் பெரும் பங்களிப்பைச் செய்துள்ளன. ஆனால்

இது நாம் எதிர்பார்ப்பது அல்ல. இந்த நாட்டின் உள்நாட்டு உற்பத்திப் பொருளாதாரத்தை உயர்மட்ட நிலைக்கு கொண்டு வருவதற்கு நாம் உழைக்க வேண்டும். இதனால்தான் நான் பிரபலமான முடிவுகளை எடுக்க முடியாது என்று ஜனாதிபதி கூறுகிறார். மக்கள் மனப்பான்மையிலிருந்து விலகி நாட்டில் அனைவரும் ஏற்றுக்கொள்ளக்கூடிய வேலைத்திட்டத்தை நடைமுறைப் படுத்துவதாகக் கூறுகிறார். அதற்கு நாங்கள் முழு ஆதரவை வழங்குகிறோம்.

கடந்த உள்ளுராட்சி சபைத் தேர்தலில் இந்தப் பிரிவில் ஐ.தே.க வேட்பாளர் 29% வெற்றி பெற்றுள்ளார். ஜேவிபி 8% எடுத்துள்ளது. ஸ்ரீ லங்கா சுதந்திர கட்சி 10%. பொஹொட்டுவ வேட்பாளரே 54% எடுத்துள்ளனர். அதிக வாக்கு வித்தியாசத்தில் வெற்றி பெற்றோம்.

ஜனாதிபதி கோட்டாபயவுக்கு ஆலோசனை வழங்கி நாட்டை அராஜகப்படுத்திய வியத்மகவின் சிலர் வேறு கட்சிகளுக்குச் சென்றுள்ளனர். மற்றவர்கள் என்ன செய்வது என்று திகைத்து நிற்கிறார்கள். நமது வெற்றிக்காக அந்த மக்களை ஒன்று திரட்ட வேண்டும். ஒரு ஓட்டு வித்தியாசத்தில் வெற்றி பெற்றாலும், ஒரு பிரிவு வெற்றி பெறும். கிராமத்திற்கு வேலைசெய்யக்கூடிய ஒருவரை நியமிக்க நீங்கள் நடவடிக்கை எடுக்க வேண்டும்.