3வது T20யிலும் வெற்றி, தொடரை வென்றது தெ.ஆபிரிக்கா

இலங்கைக்கு அணிக்கு எதிரான T20 தொடரை தென்னாபிரிக்க அணி 3-0 என்ற கணக்கில் கைப்பற்றியுள்ளது.

ஏற்கனவே இரு அணிகளுக்கும் இடையிலாள ஒருநாள் தொடரை இலங்கையணி கைப்பற்றி இருந்தாலும்T20 தொடரை இழந்துள்ளது.

ஆர். பிரேமதாச மைதானத்தில் நேற்று (14) இரவு நடைபெற்ற மூன்றாவது T20 போட்டியில் நாணய சுழற்சியில் வெற்றியீட்டிய இலங்கை அணி முதலில் துடுப்பெடுத்தாடியது.

அதன்படி நிர்ணயிக்கப்பட்ட 20 ஓவர்களில் இலங்கை அணி 8 விக்கட்டுகளை இழந்து 120 ஓட்டங்களை பெற்றுக்கொண்டது.

இதில் குசல் பெரேரா 38 ஓட்டங்களையும், சாமிக கருணாரத்;ன ஆட்டமிழக்காமல் 24 ஓட்டங்களையும் பெற்றுக் கொண்டனர்.

பந்து வீச்சில் போஜொன் போர்டுன், ரபடா ஆகியோர் தலா இரண்டு விக்கட்டுகளை வீழ்த்தினர்.

பதிலுக்கு துடுப்பெடுத்தாடிய தென்னாபிரிக்க அணி 14.4 ஓவர்களில் விக்கட் இழப்பின்றி 121 ஒட்டங்களைப் பெற்று வெற்றி இலக்கை எட்டியது.

இதில் ரிஸா ஹென்ரிக்ஸ் ஆட்டமிழக்காது 56 ஓட்டங்களையும், குயின்டன் டி கொக் ஆட்டமிழக்காது 59 ஓட்டங்களையும் பெற்றுக் கொண்டனர்.

போட்டியின் ஆட்ட நாயகனாகவும், தொடர் நாயகனாகவும் குயின்டன் டி கொக் தெரிவானார்.