தென்னாபிரிக்க அணியை சொந்த மண்ணில் சாய்த்த இலங்கை

தென்னாபிரிக்க அணிக்கு எதிரான 3 போட்டிகளைக் கொண்ட ஒரு நாள் தொடரின் முதல் போட்டியில் 14 ஓட்டங்களால் இலங்கையணி வெற்றிப் பெற்றுள்ளது.

ஆர்.பிரேமதாச மைதானத்தில் இடம்பெற்ற முதல் ஒருநாள் போட்டியில் நாணய சுழற்சியில் வெற்றிப் பெற்ற இலங்கையணி முதலில் துடுப்பெடுத்தாடியது.

அதற்கமைய இலங்கை அணி அவிஸ்க்க பெர்னாண்டோ பெற்ற 118 ஓட்டங்கள் உதவியுடன் 50 ஓவர்களில் 9 விக்கெட் இழப்புக்கு 300 ஓட்டங்களைப் பெற்றது.

தென்னாபிரிக்காவின் பந்து வீச்சில் ரபாடா மற்றும் மஹாராஜ் ஆகியோர் தலா 2 விக்கெட்டுக்களை வீழ்த்தினர்.

பதிலுக்கு 301 ஓட்டங்களை வெற்றி இலக்காக கொண்டு பதிலளித்த தென்னாபிரிக்கா அணி 50 ஓவர்களை சந்தித்து 6 விக்கெட் இழப்புக்கு 286 ஓட்டங்களை மாத்திரம் பெற்று 14 ஓட்டங்களால் தோல்வியடைந்தது.

அந்த அணியின் துடுப்பாட்டத்தில் எய்டன் மாக்ரம் அதிகூடிய 96 ஓட்டங்களைப் பெற்றுக் கொண்டார்.

இலங்கையணியின் பந்து வீச்சில் அக்கில தனஜ்ஜய 2 விக்கெட்டுக்களை வீழ்த்தினார்.

போட்டியின் ஆட்டநாயகனாக அவிஸ்க பெர்னாண்டோ தெரிவானார்.
இந்த வெற்றியுடன் ஒருநாள் தொடரில் இலங்கையணி 1-0 என்ற கணக்கில் முன்னிலைப் பெற்றுள்ளது.

இரண்டாவது ஒருநாள் போட்டி எதிர்வரும் 4 ஆம் திகதி இதே மைதானத்தில் இடம் பெறவுள்ளது