ச.தொ.சவில் சில பொருட்களின் விலைகள் குறைப்பு

சிவப்பு வெங்காயம் , சிவப்பு அரிசி, உள்ளுர் உருளைக்கிழங்கு மற்றும் ச.தொ.ச விற்பனை நிலையங்களில் விற்பனை செய்யப்படும் பல பொருட்களின் விலைகள் குறைக்கப்பட்டுள்ளதாக வர்த்தக அமைச்சு தெரிவித்துள்ளது.

எனவே தற்போது 300 ரூபாவுக்கு விற்பனை செய்யப்படும் ஒரு கிலோ சிவப்பு வெங்காயத்தை 195 ரூபாவுக்கும்; ஒரு கிலோ உள்ளுர் உருளைக்கிழங்கை 150 ரூபாவுக்கும் விற்பனை செய்ய நடவடிக்கை எடுக்கப்பட்டுள்ளது.

அத்துடன் 93 ரூபாவுக்கு விற்பனை செய்யப்படும் சிவப்பு அரிசியை 89 ரூபாவுக்கும் விற்பனை செய்ய தீர்மானிக்கப்பட்டுள்ளது.
இந்த மாற்றம் இன்று முதல் அமுலுக்கு வரும் என வர்த்தக அமைச்சு உறுதிப்படுத்தியுள்ளது.