அயர்லாந்து வீரர் கெவின் ஓ பிரையன் ஓய்வு பெறுவதாக அறிவிப்பு

சர்வதேச கிரிக்கெட் களத்தில் இருந்து ஓய்வு பெறுவதாக அயர்லாந்து கிரிக்கெட் அணியின் லெஜெண்ட் என அறியப்படும் கெவின் ஓ’பிரையன் அறிவித்துள்ளார்.

அவர் அயர்லாந்து கிரிக்கெட் வளர்ச்சியில் பங்காற்றிய முக்கிய வீரராக அறியப்படுகிறார்.

அவர் 3 டெஸ்டில் ஆடி ஒரு சதம் உள்பட 258 ரன்னும், 153 ஒருநாள் போட்டியில் 2 சதம் உள்பட 3,619 ரன்னும், 110 இருபது ஓவர் போட்டியில் ஒரு சதம் உள்பட 1,973 ரன்னும் எடுத்துள்ளார்.

ஒருநாள் போட்டியில் 114 விக்கெட்டும், 20 ஓவர் போட்டியில் 58 விக்கெட்டும் வீழ்த்தி இருக்கிறார்.

இந்த நிலையில், 38 வயதான கெவின் ஓ பிரையன் சர்வதேச கிரிக்கெட்டில் இருந்து விடைபெறுவதாக நேற்று அறிவித்தார்.