மே தினமான இன்று

தொழிலாளர் தினமான இன்று அரசியல் கட்சிகள் பேரணிகளையும், கூட்டங்களையும் ஏற்பாடு செய்துள்ளன.

ஸ்ரீ லங்கா பொதுஜன பெரமுன ஏற்பாடு செய்துள்ள மே தினக் கூட்டம் நுகேகொட ரெயில் நிலையத்திற்கு அருகில் இன்று பிற்பகல் நடைபெறும்.

ஸ்ரீ லங்கா சுதந்திரக் கட்சி ஏற்பாடு செய்துள்ள மே தின கூட்டம் அதன் சேவைச் சங்க தலைமையகத்தில் இன்று காலை 10 மணிக்கு ஆரம்பமாகும். ஐக்கிய தேசியக் கட்சியின் மே தினக் கூட்டம் காலிமுகத்திடலில் இடம்பெறும். ஐக்கிய மக்கள் சக்தி மற்றும் ஸ்ரீ லங்கா முஸ்லிம் காங்கிரஸ் ஆகியன இணைந்து ஏற்பாடு செய்திருக்கும் எதிர்ப்பு பாத யாத்திரை இன்று சுதந்திர சதுக்கத்தை நோக்கி பயணிக்கும்.

தமிழ்த் தேசிய கூட்டமைப்பு ஏற்பாடு செய்துள்ள மே தினக் கூட்டங்கள் மட்டக்களப்பு மற்றும் கிளிநொச்சில் இடம்பெறவுள்ளன.

மக்கள் விடுதலை முன்னணி ஏற்பாடு செய்துள்ள மே தினக் கூட்டம் பி.ஆர்.சி.மைதானத்தில் நடைபெறும். முன்னிலை சோஷலிசக் கட்சியின் மே தினக் கூட்டம் விஹாரமகாதேவி பூங்காவில் இடம்பெறவுள்ளது. தேசிய சுதந்திர முன்னணியின் மே தினக் கூட்டம் பத்தரமுல்ல அப்பேகம வளாகத்தில் நடைபெறும். லங்கா சமசமாஜக் கட்சி, இலங்கை கம்யுனிஸ்ட் கட்சி, ஜனநாயக இடதுசாரி முன்னணி, இலங்கை மக்கள் கட்சி என்பன இணைந்து ஏற்பாடு செய்துள்ள மே தினக் கூட்டம் ஹைட்பார்க்கில் இன்று நடைபெறும்.