வவுனியா – தாண்டிக்குளம் பகுதியில் கடமையில் இருந்த போக்குவரத்து பொலிஸ் அதிகாரி ஒருவரை மோட்டார் சைக்கிள் ஒன்று மோதியதில் அதிகாரி காயமடைந்துள்ளதுடன் ஒருவர் கைது செய்யப்பட்டுள்ளார்.

இந்த சம்பவம் நேற்றையதினம் (16.07.2023) இடம்பெற்றுள்ளது.

வீதி கடமையில் இருந்த போக்குவரத்து பொலிஸார் மோட்டார் சைக்கிள் ஒன்றை வீதியின் குறுக்காக சென்று வழிமறித்த போது கட்டுப்பாட்டை இழந்த மோட்டார் சைக்கிள் பொலிஸ் அதிகாரி மீது மோதி விபத்துக்குள்ளானது.

குறித்த விபத்தில் காயமடைந்த போக்குவரத்து பொலிஸ் அதிகாரி வவுனியா வைத்தியசாலையில் அனுமதிக்கபட்பட்டுள்ளார்.

இச்சம்பவம் தொடர்பில் குறித்த மோட்டார் சைக்கிளின் சாரதி வவுனியா பொலிஸாரால் கைது செய்யப்பட்டுள்ளதுடன் மேலதிக விசாரணைகள் முன்னெடுக்கப்பட்டுள்ளதாக தெரிவித்துள்ளனர்.