இலங்கையின் கல்வி கட்டமைப்பில் மாற்றம்!

இலங்கை கல்வித் துறையின் அபிவிருத்தி மற்றும் கூட்டுறவுத் தேவைகள் குறித்து சர்வதேச அபிவிருத்திக்கான ஐக்கிய அமெரிக்க நிறுவனத்துடன் (USAID) கல்வி அமைச்சர் கலாநிதி சுசில் பிரேமஜயந்த கலந்துரையாடியுள்ளார்.

கனடாவின் வான்கூவரில் நடைபெறும் பொதுநலவாய கல்விக்கான பொது கூட்டத்தில் பங்கேற்கச் சென்றிருந்த போதே கல்வி அமைச்சர் இந்தக் கலந்துரையாடலில் ஈடுபட்டுள்ளார்.

மேலும், குறித்த கலந்துரையாடலில், சர்வதேச அபிவிருத்திக்கான ஐக்கிய அமெரிக்க நிறுவனத்தின் (USAID) நிர்வாக பிரதிநிதி அஞ்சலி கவுர்வும் கலந்துகொண்டார் என தெரிவிக்கப்படுகிறது.

இதற்கமைய, இலங்கை கல்வியின் கட்டமைப்பில் தரமான மாற்றத்தை மேற்கொள்ளும் வகையிலான தொழில்நுட்பம், விஞ்ஞானம் மற்றும் ஆங்கில மொழி கற்பித்தலை விரிவுபடுத்துவதற்கு திட்டமிடப்பட்டுள்ளதாக கல்வி அமைச்சர் சுட்டிக்காட்டியுள்ளார்.