உலகின் மிகப்பெரிய பயணிகள் விமானம் நாட்டுக்கு வருகை

உலகின் மிகப்பெரிய பயணிகள் விமானம் இன்று அதிகாலை இலங்கையை  வந்தடைந்துள்ளது.     

413 பயணிகளையும் 29 பணியாளர்களையும் ஏற்றிய  எமிரேட்ஸ் ஏர்லைன்ஸுக்கு சொந்தமான எயார்பஸ் விமானமே நாட்டை வந்தடைந்துள்ளது,       

விமானம் இன்று அதிகாலை 3.10 அளவில் கட்டுநாயக்க விமான நிலையத்தில் தரையிறங்கியதாக எமது செய்தியாளர் குறிப்பிட்டார் 

குறித்த  விமானம் இதற்கு முன்னர் இரண்டு முறை நாட்டுக்கு வருகைதந்துள்ளதாக தெரிவிக்கப்பட்டுள்ளது.

நியூசிலாந்தின் ஒக்லேண்டிலிருந்து டுபாய் நோக்கி பயணிக்கும் குறித்த விமானம்,  தேவையான எரிபொருளை பெற்றுக்கொள்ளும் நோக்கில் கட்டுநாயக்க விமான நிலையத்தில் தரையிறக்கப்பட்டுள்ளது.     

இதன்படி, கட்டுநாயக்க விமான நிலைய பெற்றோலிய முனையத்தில் இருந்து ஒரு கோடியே 68  இலட்சம் ரூபா பெறுமதியான, 62 ஆயிரத்து 800 லீற்றர் ஜெட் எரிபொருளைப் பெற்றுக் கொண்டு, விமானம் புறப்பட்டு சென்றதாக எமது செய்தியாளர் மேலும் குறிப்பிட்டார்