ஆசிய கிண்ணம் யாருக்கு?

15 ஆவது ஆசிய ஆசிய கிண்ண தொடரின் இறுதிப்போட்டி இன்று இரவு 7.30 க்கு டுபாயில் இடம்பெறவுள்ளது.

இதில் இலங்கை மற்றும் பாகிஸ்தான் அணிகள் பலப்பரிட்சை நடத்தவுள்ளன.

6 அணிகள் மோதிய இந்த போட்டியில் லீக் சுற்று முடிவில் இந்தியா, பாகிஸ்தான் (ஏ பிரிவு), ஆப்கானிஸ்தான், இலங்கை (பி பிரிவு) அணிகள் சூப்பர்4 சுற்றுக்கு தகுதி பெற்றன.

வெற்றியே பெறாத ஹொங்கொங், பங்களாதேஷ் அணிகள் வெளியேற்றப்பட்டன.

சூப்பர்4 சுற்றில் இலங்கை அணி 3 ஆட்டங்களிலும் வெற்றியை ருசித்து 6 புள்ளிகளுடன் முதலிடம் பிடித்தும், பாகிஸ்தான் அணி (2 வெற்றி, ஒரு தோல்வி) 4 புள்ளிகளுடன் 2ஆவது இடத்தையும் பெற்று இறுதிப்போட்டிக்கு முன்னேறின.

நடப்பு சாம்பியன் இந்தியா (ஒரு வெற்றி, 2 தோல்வி) 2 புள்ளியுடன் 3 ஆவது இடமும், 3 ஆட்டங்களிலும் தோல்வியை சந்தித்த ஆப்கானிஸ்தான் அணி கடைசி இடத்துக்கும் தள்ளப்பட்டு இறுதிப்போட்டி வாய்ப்பை இழந்தன.