திமுத் 13 ஆவது சதம் வலுவான நிலையில் இலங்கை

இலங்கை மற்றும் மேற்கிந்திய தீவுகளுக்கு இடையில் காலி மைதானத்தில் இடம்பெறும் முதலாவது டெஸ்ட் போட்டியின் முதல் நாள் ஆட்டம் நிறைவுக்கு வந்துள்ளது.

முதலில் துடுப்பெடுத்தாடும் இலங்கையணி முதலில் துடுப்பெடுத்தாடி இன்றைய ஆட்டநேர முடிவில் 3 விக்கெட் இழப்புக்கு 267 ஓட்டங்களை பெற்றுக் கொண்டது.

இலங்கையின் துடுப்பாட்டத்தில் 132 ஓட்டங்களைப் பெற்று திமுத் ஆட்டமிழக்காதுள்ளார்.

இது திமுத் பெற்ற 13 ஆவது டெஸ்ட் சதமாகும்.

இதேவேளை, இன்றைய போட்டியின் 23 ஆவது ஓவரின் நான்காவது பந்தில் திமுத் அடித்தாடிய பந்து சோர்ட் லெக் பகுதியில் களத்தடுப்பில் ஈடுபட்டிருந்த ஜெரமி சொலோசனோவின் தலைக்கவசத்தில் பட்டதில் அவர் உடனடியாக வைத்தியசாலையில் அனுமதிக்கப்பட்டுள்ளார்