அமெரிக்காவில் பனிப்புயலில் சிக்குண்டு 10 பேர் உயிரிழப்பு..

அமெரிக்காவில் ஏற்பட்ட பனிப்புயலில் சிக்குண்டு 10 பேர் உயிரிழந்துள்ளதுடன் பலர் காயமடைந்துள்ளதாக  தெரிவிக்கப்பட்டுள்ளது.

அத்துடன் அமெரிக்காவின் பல மாகாணங்களில் மின்சாரம் துண்டிக்கப்பட்டுள்ள நிலையில் 14 இலட்சத்திற்கும் அதிகமான மக்கள் பாதிக்கப்பட்டுள்ளனர்

பாதிப்புக்குள்ளான பகுதிகளில் தற்போது மீட்பு பணிகள் தீவிரப்படுத்தப்பட்டுள்ளதாக சர்வதேச ஊடகங்கள் தெரிவிக்கின்றன.

இந்தநிலையில்,  புயல் தொடர்பில் 8 இலட்சத்திற்கும் அதிகமான மக்களுக்கு எச்சரிக்கை விடுக்கப்பட்டுள்ளது.

இதேவேளை பங்களதேசின் தென்கிழக்கு பகுதியில் ஏற்பட்ட தீவிபத்தில் சிக்குண்டு 6 பேர் உயிரிழந்துள்ளதுடன் பலர் காயமடைந்துள்ளதாக  தெரிவிக்கப்பட்டுள்ளது.

தீவிபத்துக்கான காரணம் இதுவரை கண்டறியப்படாத நிலையில் பொலிஸார் மேலதிக விசாரணைகளை முன்னெடுத்து வருகின்றனர்.

அத்துடன் உயிரிழப்புகளின் எண்ணிக்கை அதிகரிக்கும் சாத்தியம் காணப்படுவதாக சர்வதேச ஊடகங்கள் தெரிவிக்கின்றன.