இங்கிரியவில் அதிக மழைவீழ்ச்சி; குடா கங்கை, நில்வலா கங்கை ஆகிய பகுதிகளுக்கு வெள்ள அபாய எச்சரிக்கை

கடந்த 24 மணித்தியாலங்களில் பதிவான மழைவீழ்ச்சி பதிவைத் தொடர்ந்து களுத்துறை மாவட்டத்தின் இங்கிரிய பிரதேசத்தில் 101.5 மில்லி மீற்றர் மழைவீழ்ச்சி பதிவாகியுள்ளதாக வளிமண்டலவியல் திணைக்களத்தின் இயற்கை அபாயங்கள் ஆரம்ப எச்சரிக்கை நிலையம் தெரிவித்துள்ளது.மாத்தறை மாவட்டத்தில் தெனியாய பிரதேசத்தில் இரண்டாவது அதிக மழைவீழ்ச்சி பதிவாகியுள்ளது, இது 100.5 மி.மீ. கடந்த 24 மணித்தியாலங்களில் இரத்தினபுரி மாவட்டத்தின் விதானகந்த தோட்டத்தில் 80.0 மில்லிமீற்றர் மழைவீழ்ச்சியும், கேகாலை மாவட்டத்தில் உடுவில பிரதேசத்தில் 73.5 மில்லிமீற்றர் மழைவீழ்ச்சியும் பதிவாகியுள்ளது.நாட்டின் தென்மேற்குப் பகுதியில் மழையுடனான வானிலை மேலும் தொடரும் என தெரிவிக்கப்பட்டுள்ளது.நாடளாவிய ரீதியில் தென்மேற்கு பருவமழை தீவிரமடைந்துள்ளதால், இன்று மேல் மற்றும் சப்ரகமுவ மாகாணங்களிலும் காலி மற்றும் மாத்தறை மாவட்டங்களிலும் 100 மில்லிமீற்றருக்கும் அதிகமான பலத்த மழை பெய்யக்கூடும்.இதேவேளை, வளிமண்டலவியல் திணைக்களம் கம்பஹா, கேகாலை, கொழும்பு, களுத்துறை, இரத்தினபுரி, காலி மற்றும் மாத்தறை உள்ளிட்ட ஏழு மாவட்டங்களுக்கு இன்றும் அதிக அபாய நிலை (சிவப்பு) எச்சரிக்கையை விடுத்துள்ளது.களு கங்கையின் குடா கங்கை துணைப் படுகையின் மேல் நீரோடை நீர்ப்பிடிப்புப் பகுதிகளில் இன்று கணிசமான மழை பெய்யும் என நீர்ப்பாசனத் திணைக்களம் அறிக்கை ஒன்றை வெளியிட்டுள்ளது.இதனால், குடா கங்கையின் வெள்ளப்பெருக்கு பகுதியினூடாக செல்லும் வீதிகள் வெள்ளத்தில் மூழ்கும் அபாயம் காணப்படுவதாகவும், அவ்வழியாக செல்லும் பிரதேசவாசிகள் மற்றும் வாகன சாரதிகள் மிகுந்த அவதானத்துடன் செயற்படுமாறும் கோரப்பட்டுள்ளது. குடா கங்கையில் உள்ள நீரியல் நிலையங்களின் தற்போதைய மழை நிலை மற்றும் ஆற்று நீர் மட்டங்களை பகுப்பாய்வு செய்வதன் மூலம், பாலிந்த நுவர மற்றும் புலத்சிங்கள D/S பிரிவுகளில் அமைந்துள்ள குடா கங்கை பள்ளத்தாக்கின் தாழ்வான பகுதிகளில் வெள்ள நிலைமை ஏற்பட வாய்ப்பு உள்ளதாக எச்சரிக்கப்பட்டுள்ளது. .குடா கங்கையின் வெள்ளப் பகுதிகள் வழியாக செல்லும் வீதிகள் வெள்ளத்தில் மூழ்கும் வாய்ப்புகள் அதிகம். இப்பிரதேசங்களில் வசிப்பவர்களும், அப்பகுதிகளின் ஊடாக வசிப்போரும் இது தொடர்பில் அதிக கவனம் செலுத்துமாறு கேட்டுக்கொள்ளப்படுகிறார்கள்.இதற்கிடையில், நில்வலா கங்கைப் படுகையின் மேல் நீரோடை மற்றும் நடுப்பகுதி நீர்ப்பிடிப்புப் பகுதிகளில் கணிசமான மழை பெய்துள்ளது. கொட்டாபொல, பிடபெத்தர, அக்குரஸ்ஸ, பஸ்கொட, அத்துரலிய, மாலிம்பட, திஹாகொட, மாத்தறை மற்றும் தெவிநுவர த/ச பிரிவுகளில் நில்வலா கங்கை பள்ளத்தாக்கின் தாழ்வான பகுதிகளில் வெள்ள நிலைமை ஏற்படக் கூடும் என எச்சரிக்கப்பட்டுள்ளது.