ரிஷாட் பதியூதீனின் மனைவி  உள்ளிட்ட  நால்வரும் இன்று  மீண்டும் நீதிமன்றில்…

டயகம பகுதியைச் சேர்ந்த 16 வயது சிறுமி உயிரிழந்தமை தொடர்பில் கைது  செய்யப்பட்டுள்ள நாடாளுமன்ற உறுப்பினர் ரிஷாட் பதியூதீனின் மனைவி  உள்ளிட்ட  நால்வரும் இன்று  மீண்டும் நீதிமன்றில் முன்னிலைப்படுத்தப்படவுள்ளதாக பொலிஸ் ஊடகப் பேச்சாளர் சிரேஷ்ட பிரதிப்பொலிஸ்மா அதிபர் அஜித் ரோஹன தெரிவித்துள்ளார்.

குறித்த நால்வறும் 72 மணித்தியால தடுப்புக்காவலில் விசாரைணைக்குட்படுத்தப்பட்டுள்ளதாகவும் அவர் மேலும் தெரிவித்தார்.

அத்துடன், சிறுமியின் மரணம் தொடர்பில் இதுவரை 35பேரிடம் வாக்குமூலம் பதிவு செய்யப்பட்டுள்ளதாகவும் பொலிஸ் ஊடகப் பேச்சாளர் மேலும் தெரிவித்தார்.

மேலும், குறித்த சிறுமியை தொழிலுக்கு அழைத்துவந்த தரகரின் பல்வேறு வங்கி கணக்குகள் சோதனைக்கு உட்படுத்தப்பட்டுள்ளதாகவும்  அவர் குறிப்பிட்டார்.

இந்த நிலையில்,  குறித்த சிறுமியின் மரணம் தொடர்பில் பொரளை பொலிஸார், கொழும்பு தெற்கு  சிறுவர் மற்றும் மகளிர் விவகார பணியகம் மற்றும் குற்றப்புலனாய்வு பிரிவு என்பன விசாரணைகளை முன்னெடுத்து வருகின்றமை சுட்டிக்காட்டத்தக்கது.