அக்கரைப்பற்று பொலிஸ் பிரிவுக்குட்பட்ட ஒலுவில் பிரதேசத்தில் ஐஸ் போதைப் பொருளுடன் ஒருவர் கைது செய்யப்பட்டுள்ளார்.

ஒலுவில் பல்கலைக்கழகத்துக்கு அருகாமையிலுள்ள வீதியில் ஐஸ் போதைப்பொருளுடன் ஒருவர் வருவதாக அக்கரைப்பற்று பொலிஸாருக்கு கிடைத்த இரகசிய தகவலின் படி ஊழல் ஒழிப்பு பிரிவுக்கு பொறுப்பான உப பொலிஸ் பரிசோதகர் கே.எல்.எம்.முஸ்தபா தலைமையிலான பொலிஸ் குழுவினர் குறித்த பிரதேசத்துக்கு சென்று சந்தேக நபரை கைது செய்துள்ளதுடன் அவரிடமிருந்து 390 மில்லி கிராம் ஐஸ் போதை பொருளையும் கைப்பற்றியுள்ளனர்.

இதேவேளை, அட்டாளைச்சேனை பிரதேசத்திலும் 180மில்லி கிராம் ஐஸ் போதைப்பொருளுடன் மற்றுமொருவர் கைது செய்யப்பட்டுள்ளார்.

சந்தேக நபர்களை அக்கரைப்பற்று நீதவான் நீதிமன்றத்தில் ஆஜர்படுத்திய போது விளக்கமறிலில் வைக்குமாறு நீதவான் உத்தரவிட்டுள்ளார். இச்சம்வம் தொடர்பில் மேலதிக விசாரணைகளை அக்கரைப்பற்று பொலிஸார் மேற்கொண்டு வருகின்றனர்.