வாகன இறக்குமதி தொடர்பில் வெளியிடப்பட்டுள்ள விசேட வர்த்தமானி அறிவித்தலின் பிரகாரம் இன்று முதல் பல வகைகளை சேர்ந்த வாகனங்களை இறக்குமதி செய்வதற்கு அனுமதி வழங்கப்பட்டுள்ளதாக,  இலங்கை வாகன இறக்குமதியாளர்கள் சங்கம் தெரிவித்துள்ளது.

அதன்படி லொறிகள், பஸ்கள், வேன்கள் மற்றும் டபுள் கெப் வண்டிகளை இறக்குமதி செய்ய வாய்ப்புள்ளதாக, அதன் செயலாளர் அரோஷ ரொட்ராகோ தெரிவித்தார்.

அதேசமயம் , இறக்குமதி செய்யப்படும் வாகனங்களின் விற்பனை விலையை இன்னும் அறிவிக்க முடியாது எனவும், அவர் கூறினார்.

வாகனங்களை இறக்குமதி செய்ய சந்தர்ப்பம் வழங்கியமைக்காக அரசாங்கத்திற்கு நன்றியை தெரிவித்து கொள்வதாகவும், அரோஷ ரொட்ராகோ மேலும் தெரிவித்தார்.