இறக்குமதி செய்த அரிசியை விரைவில் பொதுமக்களுக்கு வழங்கும் விசேட வேலைத்திட்டம்!

இறக்குமதி செய்யப்படும் அரிசியை விரைவில் பொதுமக்களுக்கு வழங்கும் விசேட வேலைத்திட்டமொன்று அமுல்படுத்தப்பட்டுள்ளதாக சுங்கத் திணைக்களம் தெரிவித்துள்ளது.

இன்று (12) இடம்பெற்ற ஊடகவியலாளர் சந்திப்பில் சுங்கப் பேச்சாளர் சிரேஷ்ட சுங்கப் பணிப்பாளர் சிவலி அருக்கொட இதனைத் தெரிவித்தார்.

இதன்படி, இறக்குமதி செய்யப்பட்ட 17 கொள்கலன்கள் இறக்குமதி செய்யப்பட்டுள்ளதாகவும் அவற்றில் கச்சா அரிசி மற்றும் புழுங்கல் அரிசி உள்ளதாகவும் அவர் தெரிவித்தார்.

“இன்று காலை நிலவரப்படி, 17 இறக்குமதி கொள்கலன்கள் சுங்கத்திற்கு விடுவிக்கப்பட்டுள்ளன. அவற்றில் பெரும்பாலானவை ஏற்கனவே விடுவிக்கப்பட்டுள்ளன. இந்த 17 இறக்குமதி கொள்கலன்களில் சுமார் 440 மெட்ரிக் தொன்கள் உள்ளன, இதில் 130 மெட்ரிக் தொன் அரிசி மற்றும் 300 மெட்ரிக் தொன் புழுங்கல் அரிசி உள்ளது. அனைத்து இறக்குமதிகளும் இந்தியாவில் இருந்து வந்துள்ளன. இந்த அரிசி விரைவில் சுங்கத்தால் வெளியாக்கப்படும் அதனை அகற்றி பொதுமக்களுக்கு வழங்குவதற்கு இலங்கை சுங்கம் விசேட வேலைத்திட்டமொன்றை அமுல்படுத்தியுள்ளதுடன், உணவுக் கட்டுப்பாடு மற்றும் தனிமைப்படுத்தல் அதிகாரிகளை பரிசோதித்த பின்னர் இறக்குமதியாளர்களுக்கு விரைவில் விடுவிப்பதற்கான ஏற்பாடுகளை செய்துள்ளோம். என மேலும் தெரிவித்தார்.