சுவர் இடிந்து விழுந்ததில் பெண்ணொருவர் பலி

நாட்டில் நிலவும் சீரற்ற காலநிலையால் சுவரொன்று இடிந்து விழுந்ததில் வயோதிபப் பெண்ணொருவர் உயிரிழந்துள்ளார்.

இந்த விபத்து இன்று (26) இடம்பெற்றதாக பதுளை அனர்த்த முகாமைத்துவ நிலையம் தெரிவித்துள்ளது.

பண்டாரவளை பிரதேசத்தில் வசிக்கும் 61 வயதுடைய பெண் ஒருவரே இவ்விபத்தில் உயிரிழந்துள்ளார்.

உயிரிழந்தவரின் சடலம் பண்டாரவளை வைத்தியசாலையில் வைக்கப்பட்டுள்ளதுடன், இது தொடர்பான மேலதிக விசாரணைகளை பண்டாரவளை பொலிஸார் மேற்கொண்டு வருகின்றனர்.