அநுராதபுரம், கெக்கிராவ பிரதேசத்தில் மரமொன்றில் தூக்கில் தொங்கிய நிலையில் இளைஞன் ஒருவன் இன்று (30) காலை சடலமாக மீட்கப்பட்டுள்ளதாக கெக்கிராவ பொலிஸார் தெரிவித்தனர்.

கேகாலை, துங்தொட்ட பிரதேசத்தைச் சேர்ந்த 25 வயதுடைய இளைஞனே சடலமாக மீட்கப்பட்டுள்ளார்.

சடலம் மீட்கப்பட்ட இடத்திற்கு அருகில் வைத்து ஆடைகள் மற்றும் பல்வேறு பொருட்கள் அடங்கிய பை ஒன்று கண்டுபிடிக்கப்பட்டுள்ளதாக பொலிஸார் தெரிவித்தனர்.

மேலும் சம்பவம் தொடர்பான மேலதிக விசாரணைகளை கெக்கிராவ பொலிஸார் மேற்கொண்டு வருகின்றனர்.