கந்தானை விபத்தில் இளைஞன் பலி..!

கந்தானை பொலிஸ் பிரிவிற்குட்பட்ட வெலிகம்பிட்டிய சந்தியில் மோட்டார் சைக்கிளொன்று டிப்பர் வாகனத்துடன் மோதி விபத்துக்குள்ளானதில் இளைஞர் ஒருவர் உயிரிழந்துள்ளார்.

இன்று (19) இடம்பெற்ற இந்த விபத்தில் 18 வயதுடைய இளைஞரே உயிரிழந்துள்ளார்.

இந்த விபத்தில் மோட்டார் சைக்கிளின் சாரதியும் பின்னால் சென்ற இருவரும் தலைக்கவசம் அணியாமல் வெலிகம்பிட்டியவிலிருந்து கொழும்பு – நீர்கொழும்பு வீதியை நோக்கி பயணித்த போது, ​​வெலிகம்பிட்டிய சந்திக்கு அருகில் மோட்டார் சைக்கிளை நிறுத்துமாறு பொலிஸ் அதிகாரிகள் சமிக்ஞை செய்துள்ளனர்.

இதன்போது மோட்டார் சைக்கிளில் சென்றவர்கள் கட்டளையையும் மீறி பிரதான வீதியை நோக்கிச்சென்றுள்ளதுடன், மோட்டார் சைக்கிள் நீர்கொழும்பு – கொழும்பு பிரதான வீதியின் நுழைவாயிலில் நீர்கொழும்பிலிருந்து வந்த டிப்பர் வாகனத்துடன் மோதி விபத்துக்குள்ளாகியுள்ளது.