இந்தியாவின் ராஜஸ்தான் மாநிலத்தில் கோர விபத்து: 11 பேர் பலி

இந்தியாவின் ராஜஸ்தான் மாநில நெடுஞ்சாலை ஒன்றில் இடம்பெற்ற பேருந்து விபத்தில் 11 பேர் உயிரிழந்துள்ளனர்.

நெடுஞ்சாலையில் சென்ற பேருந்து மீது ட்ரக் ரக வாகனம் மோதியதில் இந்த விபத்து இடம்பெற்றுள்ளதாக இந்திய ஊடகங்கள் செய்தி வெளியிட்டுள்ளன.ராஜஸ்தானின் புஷ்கரில் இருந்து உத்தரபிரதேசம் நோக்கி பயணித்த பேருந்து அதிகாலை 4.30 மணியளவில் விபத்துக்குள்ளானதாக தெரிவிக்கப்படுகிறது. 

தொடருந்து திணைக்கள ஊழியர் படுகொலை: இரத்மலானையில் சம்பவம்விபத்து சம்பவம்இதன்போது எரிபொருள் தீர்ந்ததால், லகான்பூரில் உள்ள ஆந்த்ரா மேம்பாலம் அருகே பேருந்து நிறுத்தப்பட்டபோது, பின்னால் இருந்து வந்த ட்ரக் ரக வாகனம் பேருந்து மீது மோதியதில் விபத்து சம்பவித்துள்ளது.

குறித்த விபத்தில் 5 ஆண்களும், 6 பெண்களும் சம்பவ இடத்திலேயே உயிரிழந்துள்ளதாக மேலும் தெரிவிக்கப்படுகிறது.